Шимолий Кореяда юз берган сув тошқинлари оқибатида 4000 дан ортиқ аҳоли турар жойлари ва 3 минг гектар қишлоқ хўжалиги ерлари сув остида қолган. Бу ҳақда "Türkiye" нашри хабар берди.
Манбада айтилишича, тошқинларнинг янги фазаси Шимолий Кореянинг Синуйжу шаҳри ва Хитой билан чегара яқинидаги Уйжу округида кузатилган. Кучли ёғингарчилик ва дарё сувининг тошиши оқибатида минглаб уйлар сониялар ичида сув остида қолган.
Ҳозирга қадар тахминан 3,000 гектар қишлоқ хўжалиги ерлари, шунингдек, кўплаб жамоат бинолари, иншоотлар ва йўллар сув остида қолган. Ушбу табиий офат ҳукмрон Ишчилар партиясининг икки кунлик фавқулодда йиғилиши ўтказилишига олиб келган.
Мамлакат раҳбари Ким Чен Ин партия йиғилишга раислик қилган. У етказилган зарардан жиддий хавотир билдирган, зарар кўрган ҳудудларни тиклаш бўйича қатъий чоралар кўришга чақирган.
Шимолий Кореянинг давлат оммавий ахборот воситалари сўнгги ҳафталарда муссон мавсуми ҳақида огоҳлантирган. Экстремал об-ҳаводан кўрилган зарарни қоплаш борасидаги фавқулодда ҳаракатлари дастури эълон қилинган.
Корея яриморолида одатда июль ойи ҳар йилги муссон мавсуми ҳисобланади. Ушбу мавсум дарёлар сатҳи кўтарилиши, ёғингарчилик кўпайиши ва ноқулай нам об-ҳаво шароити билан изоҳланади.
Сўнгги юз берган табиий офатлар оқибатида мамлакат шимолий вилоятларида кўплаб кўчкилар кузатилган. Оқибатда поездлар ҳаракати тўхтаган. Асосий магистраллар кўмилиб қолган.
Шимолий Корея ҳукумати тошқинларда ҳалок бўлганлар сонини эълон қилмаган. Айни дамда қутқарув гуруҳлари шимолий туманларда қидирув-қутқарув ишлари олиб бораётгани билдирилган.
Сув тошқинлари туфайли ўз ҳудудларида қолиб кетган 5 минг киши армиянинг вертолёт кўмагидаги операцияси билан қутқарилдган.
Табиий офатга қарши курашувчи муассасаларнинг армиянинг қутқарув операциясига боғлиқлигини танқид қилган Ким Чен Ин: "бундан олдин ҳам ҳукуматни эҳтиёт чораларини кўришлари ҳақида огоҳлантирганлигини маълум қилди ва муҳим лавозимлардаги масъулларнинг дангасалиги ва шахсий манфаати жуда жиддий даражага етди",– деди.
