Тошкент шаҳар ҳокимлигининг хабар беришича, ташкил этиладиган марказларда 200 нафардан ортиқ кўнгилли лидер ёшлардан иборат волонтёр ва тюторлар талабаларни ётоқхона ва ижара хонадонларига жойлашишига кўмак беради.
Талабаликка тавсия этилганлар тўғрисидаги маълумотлар "Талабалар турар жойи ахборот тизими"га юкланди ва талабалардан ётоқхонага жойлашиш бўйича ягона интерактив давлат хизматлари портали (my.gov.uz) орқали аризалар қабул қилинади.
Шунингдек, хусусий хонадонларга жойлаштириладиган талабалар билан тузиладиган турар жой ижара шартномалари давлат солиқ хизмати органларида солиқ тўловчининг шахсий кабинети орқали масофадан туриб биометрик идентификациялаш (Face-ID) технологияси орқали электрон шаклда реал вақт режимида ҳисобга қўйилади.
