Тошкент шаҳар Яшнобод туманида Nexia-1 ёниб кетди. Бу ҳақда ФВБ хабар берди.
Маълум қилинишича, бугун, 3 август куни соат 19:07 да Тошкент шаҳар Яшнобод тумани, Уйсозлар кўчасида жойлашган автомобилларга ёнилғи қуйиш шохобчаси ҳудудида автомобиль ёнаётгани тўғрисида Тошкент шаҳар ФВБга хабар берилган.
Шунга кўра, ёнғин-қутқарув техникалари айтилган манзилга соат 19:15 да етиб бориб, ёнғин соат 19:19 да ўчирилган. Ҳодиса сабаби ва моддий зарар миқдори аниқланмоқда.
Ёнғин оқибатида ҳалок бўлган ёки жабрланганлар йўқ.
