Бугун, 7 август куни Тошкент шаҳрининг Чилонзор туманида иккита автомашина иштирокида йўл-транспорт ҳодисаси юз берди. Бу ҳақда Тошкент шаҳар ИИББ ЙҲХБ ахборот хизмати хабар берди.
Ҳодиса соат 05:20 ларда Чилонзор тумани Заргарлик-Ширин кўчалари чорраҳасида содир бўлган. Унда Malibu-2 ҳамда Nexia-1 русмли автомашиналар ўзаро тўқнашиб кетган.
ЙТҲ оқибатида Nexia-1 русумли автомашина ҳайдовчиси ва Malibu-2 русумли автомашина йўловчиси тан жароҳат олган.
Ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
