Мажбурий ижро бюроси Андижон шаҳар бўлими иш юритувига келиб тушган ижро ҳужжатига кўра Л.П.нинг “Ҳамкорбанк” билан тузилган автокредит шартномасига мувофиқ 223,8 млн. сўмлик кредит қарзи бор. Бундан ташқари, йўл ҳаракати қоидаларини бузганлиги учун 4 маротаба маъмурий жаримага ҳам тортилган. Лекин, бирорта қарздорликни тўламаган.
Дастлаб, ундирувчи банкнинг даъвони таъминлаш тўғрисидаги аризасига кўра, фуқаролик ишлари бўйича Андижон туманлараро суди томонидан даъвони таъминлаш ажрими чиқарилиб, қарздорга тегишли “Malibu” автомашинаси хатлаб қўйилиши белгиланган эди. Бироқ, “ҳа деганда” машина топилавермагач, унга нисбатан қидирув ҳам эълон қилинган.
Ижро ҳаракатлари даврида қарздор Л.П.га тегишли “Malibu” автомашинаси топилди ва жарима майдончасига олиб кирилди.
Банкдан олинган қарзларни-ю, жарималарни ҳам тўлолмай “Malibu” ҳайдаб юриш ҳавасмиди?
