Мажбурий ижро бюроси Янги Наманган туман бўлими иш юритувидаги йўқ қилиш билан боғлиқ ҳужжат ижросини таъминлаш мақсадида 2 жуфт қалбаки транспорт воситаси давлат рақами ҳамда 8 турдаги 33 дона алкоголь маҳсулотлари йўқ қилинди. Бу ҳақида МИБ Ахборот хизмати хабар бермоқда.
Аниқланишича, мазкур маҳсулотлар Наманган халқаро аэропорти ва Поп чегара божхона постида ўтказилган тадбир давомида ашёвий далил сифатида тўхтатиб қолинган. Жумладан, битта ҳолатда фуқаро И.Н томонидан Россия Федерациясида қалбаки усулда тайёрланган транспорт давлат рақамини олиб киришга уринганда Наманган халқаро аэропортида ушлаб қолинган. Яна 4 та ҳолатда эса хорижда ишлаб чиқарилган 33 турдаги виски, ароқ, коньяк, вино маҳсулотлари чегара масканларида тўхтатиб қолинган.
Суднинг ҳал қилув қарорига кўра, мазкур тўхтатиб қолинган маҳсулотларни тегишли тартибда йўқ қилиб белгиланган. Ўтказилган навбатдаги тадбир давомида "Божхона сервис" давлат муассасаси Наманган вилояти бўлимида сақланаётган маҳсулотлар синдириш ва тўкиб ташлаш йўли орқали йўқ қилинди.
Умуман олганда, жорий йилнинг ўтган давомида, Бюронинг Наманган шаҳар ва туманлар бўлимлари иш юритувига қиймати 64,7 млн. сўмлик алкоголь маҳсулотларини йўқ қилиш билан боғлиқ ҳужжатлар келиб тушган ҳамда ижроси амалда тамомланган.
