Ижтимоий тармоқларда Тошкент метросидаги бекатлардан бириди катта тирбандлик юзага келганини акс эттирувчи видео ва фото фактлар тарқалди.
"Тошкент метрополитени"нинг маълум қилишича, ҳолат жорий йилнинг 16 сентябр куни соат 13:23 лар атрофида “Ўзбекистон” йўналишининг “Беруний" бекатида содир бўлган. Ушбу йўналишда ҳаракатланиши лозим бўлган 33-сонли ҳаракат таркибида техник носозлик ҳолати кузатилган.
Шу боисдан, белгиланган йўриқномага асосан, электропоезд машинисти томонидан тезкор кўрилган чора-тадбирлар натижасида ҳаракат таркибидаги носозлик 5 дақиқа ичида барараф этилган ва ҳаракат таркиби фаолияти қайта тикланган.
Қайд этилишича, ҳозирги вақтда йўналишдаги поездлар белгиланган жадвалга асосан ҳаракатланмоқда.
