Франция Миллий ассамблеяси бюроси мамлакат Президенти Эммануэл Макронга нисбатан импичмент жараёнини бошлаш бўйича резолюция лойиҳасини маъқуллади, дея хабар бермоқда zamon.uz.
Қайд этилишича, Миллий уюшма бюроси Эммануэл Макронни ҳокимиятдан четлатиш режасини маъқуллаган.
Макронни ҳокимиятдан четлатиш таклифини “Енгилмас Франция” сўл партияси илгари сурган. Эндиликда парламент қуйи палатасининг олий коллегиал органи бўлган Миллий уюшма бюросида 22 нафар аъзодан 12 нафари сўл партия вакиллари бўлиб, хабар қилинганидек, резолюцияни қабул қилиш учун улардан 12 нафари овоз берган.
Агар резолюция ушбу босқичдан ўтса, парламентнинг ҳар икки палатаси умумий йиғилиш ўтказади. Мазкур резолюцияни 925 нафар депутатдан камида 617 нафари қўллаб-қувватласа, Макрон зудлик билан президентлик лавозимини тарк этиши керак бўлади.
