Олмалиқда мактаб ўқувчилари сувдан заҳарлангани ҳақида хабар эълон қилинган эди.
Олмалиқ шаҳридаги "Бухоро" ихтисослашган мактаб ўқувчилари мактаб ҳудудидаги филтрланмаган сув истеъмол қилиши натижасида заҳарланишганларидан шикоят қилишган.
Ҳолат юзасидан расмий маълумот берган "Ўзсувтаъминот" АЖ Матбуот котиби Акмал Муродовга ССВ Санитария-эридемиологик осойишталик ва жамоат саломатлиги қўмитасининг Тошкент вилояти бошқармаси Олмалиқ шаҳар бўлими томонидан 20 сентябрда "Бухоро" мактабида олинган 4 та ичимлик суви намуналари хулосасига кўра, ичимлик суви белгиланган меъёр талабларига жавоб беради.
Шунингек, мазкур ҳудудда яшовчи аҳолидан ичимлик суви сифати бўйича маълумотлар олинганида уларда эътироз ҳамда ичимлик суви сабабли соғлигида шикоятлари йўқлиги аниқланган.
"Бу эса юқорида қайд этилган ўқувчиларнинг касалланишига ичимлик сувининг алоқаси йўқлигини кўрсатади.
Ҳозирда ҳолат юзасидан Олмалиқ шаҳар прокуратураси, Болалар омбудсмани ҳамда Мактабгача ва мактаб таълими вазирлиги томонидан текширув ишлари олиб борилмоқда. Ҳолат бўйича қўшимча маълумотлар тақдим этилади», – дейди А.Муродов.
