Ижтимоий тармоқларда Хоразм вилояти, Урганч шаҳридаги “Hamkorbank” бизнес марказининг том қисмида ёнғин чиқганлиги акс этган видеолар тарқалди.
Хоразм вилояти ФВБ кўра, ёнғин бугун 25-сентябр куни соат 11:05 да шаҳарда жойлашган банкларнинг бири биносининг ижарага берилган юқори қисмида ёнғин содир бўлган.
Шунга кўра, ёнғин-қутқарувчилар соат 11:10 да ҳодиса жойига етиб бориб, ёнғин соат 11:30 да ўраб олинган ва соат 12:22 да ўчирилган.
Ёнғин натижасида бино том қисмининг таҳминан 30 кв.м майдони ёниб зарарланган.
Ёнғинни бартараф этишга 4 та ёнғин-қутқарув экипажи ва 1 та автонарвон жалб этилган.
Ёнғин оқибатида тан жароҳати олган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.
