Қозоғистонда мамлакатда АЭС қурилиши масаласида референдум бўлиб ўтди. Бу ҳақда Спутник Қозоғистон хабар қилди.
6 октябрь куни бўлиб ўтган референдумда мамлакат президенти Қосим-Жомарт Тоқаев ва бош вазири Олжас Бектенов ҳам ўз овозларини беришди.
Овоз бериш маҳаллий вақт билан соат 20:00 гача давом этган.
Дастлабки натижаларга кўра, Қозоғистонда 71,12% сайловчи АЭС қуриш қарорини маъқуллаган, 28,88% сайловчи эса станция қурилишига қарши бўлган.
АЭС бўйича умумхалқ референдумида сайловчиларнинг 62,66 фоизи – 5,5 млн киши овоз берган.
