Ўзбекистон элчиси Аюбхон Юнусов Кувайт Амири шайх Мишъал ал-Аҳмад ал-Жобир ас-Сабоҳга ўзининг ишонч ёрлиқларини топширди, деб хабар қилмоқда "Дунё" АА.
Тадбир давомида, шунингдек, Танзания, Мексика, Бразилия, Грузия ва Вьетнам элчилари ҳам Кувайт Амирига ўзларининг ишонч ёрлиқларини тақдим этишди.
Тантанали маросимдан сўнг, кечган мулоқот давомида Амир шайх шайх Мишъал ал-Аҳмад ал-Жобир ас-Сабоҳ 2023 йил июль ойида Жидда шаҳрида бўлиб ўтган "Марказий Осиё – Кўрфаз араб давлатлари ҳамкорлик кенгаши" Стратегик мулоқоти биринчи саммити доирасида Ўзбекистон Президенти билан бўлиб ўтган суҳбатни илиқ таассуротлар билан ёдга олди.
Кувайт Амири мамлакатимиз элчисини ушбу лавозимга кириши билан табриклаб, икки давлат муносабатларини янада мустаҳкамлаш борасидаги фаолиятига улкан муваффақиятлар тилади.
Эслатиб ўтамиз,Ўзбекистоннинг янги тайинланган элчиси Аюбхон Юнусов шу йил 6 февраль куни Кувайт пойтахтига ташриф буюрган эди.
