Жорий йилнинг 7 октябрь куни соат 14:20 атрофида Ғузор тумани “Қоратикан” МФЙ ҳудудидан ўтувчи 4Р-79 “Қарши-Чим-Чироқчи-Шаҳрисабз” автомобиль йўлининг 25 километрида ЙТҲ содир бўлган. Бу ҳақда Қашқадарё ИИБ ЙҲХБ матбуот хизмати хабар қилди.
Маълум қилинишича, ҳайдовчи Б.Т. бошқарувида бўлган “Мercedes-Benz" русумли автомобилини “Чим-Қарши” йўналишида бошқариб келиб, қарама-қарши томондан ҳаракатланиб келаётган ҳайдовчи Қ.С. бошқарувида бўлган Лабо русумли автомобили билан урилган.
Оқибатда Лабо русумли транспорт воситасида бўлган 2 нафар фуқаро воқеа жойида вафот этишган.
Ушбу ҳолат юзасидан ЖКнинг 266-моддаси 3-қисми билан жиноят иши қўзғатилган. Ҳозирда тергов ҳаракатлари олиб борилмоқда.
