Тошкент вилояти Паркент туманида яшовчи, бир неча кун аввал бедарак йўқолган 23 ёшли аёлнинг жасади Қорасув каналидан топилди. Бу ҳақда Бош прокуратура ахборот хизмати хабар берди.
Маълум қилинишича, аёл уйидан номаълум томонга чиқиб кетиб, қайтиб келмаган. Унинг турмуш ўртоғи 6 ноябрь куни туман ИИБга мурожаат қилиб, аёлини қидиришда ёрдам сўраган.
Терговга қадар текширув ҳаракатлари давомида бедарак йўқолган аёлнинг мурдаси 10 ноябрь куни Юқори Чирчиқ тумани Янгибозор шаҳарчасидан оқиб ўтувчи Қорасув каналидан топилган.
Ҳозирда ҳолат юзасидан туман прокуратураси томонидан терговга қадар текширув ҳаракатлари одиб борилмоқда.
