Андижон вилояти Асака туманида 11 ноябрь куни Damas пиёдани босиб кетди. Бу ҳақда "Миллар" кўрсатувида хабар берилди.
Таъкидланишича, 24 ёшли ҳайдовчи Damas`да кетаётиб, пиёдалар йўлагидан ўтаётган 9 ёшли қизни уриб юборган. Атрофдагилар қизни машина остидан чиқариб олган.
Пиёда зудлик билан шифохонага олиб борилган, аммо кўрсатилган тиббий ёрдамга қарамай, вафот этган, дейилади ИИБ масъули томонидан тақдим этилган ахборотда.
Мазкур ҳолат юзасидан Асака туман ички ишлар бўлими тергов бўлими ходимлари томонидан Жиноят кодексининг 266-моддаси 2-қисми билан иш очилиб, тергов ҳаракатлари олиб борилмоқда.
