Украина Қуролли Кучлари Брянск вилоятидаги объектга АТАCМS ракеталари билан ҳужум қилди, дея хабар қилди Россия Мудофаа вазирлиги
Вазирликка кўра, Украина томонидан қўлланган АТАCМS ракеталаридан бештаси уриб туширилган ва биттаси шикастланган.
Россия Мудофаа вазирлигига тегишли “Звезда” телеканалининг хабар беришича, ракеталарнинг бўлаклари “ҳарбий объектнинг техник ҳудуди”га тушган ва ёнғин юзага келган. Хабарда бу қандай ҳарбий иншоот эканлигини маълум қилинмаган.
Брянск вилоятига АТАCМS ракеталари билан қилинган ҳужум Ғарб зиддият кучайишини хоҳлаётганидан далолат беради, деди Россия Ташқи ишлар вазири Сергей Лавров G20 саммити ўтаётган Рио-де-Жанейродаги матбуот анжуманида.
Россия ТИВ раҳбари, шунингдек, Ғарб давлатларига Россиянинг янгиланган ядровий доктринасини ўқиб чиқишни маслаҳат берди.
Россия Брянск вилоятига қилинган ҳужумга ядровий жавоб чораларини кўряптими деган саволга жавоб берар экан, Лавров Россия расмийлари "ядро қуроли биринчи навбатда ҳар қандай ядро урушининг олдини олишга қаратилганлигига ишонч ҳосил қилишини" айтди.
