Ўзбекистон ташқи ишлар вазири Бахтиёр Саидов бугун Италиянинг мамлакатимиздаги элчиси сифатидаги дипломатик миссиясини якунлаётган Агостино Пиннани қабул қилди, деб хабар қилмоқда "Дунё" АА.
"Италиянинг Ўзбекистондаги Фавқулодда ва Мухтор Элчиси Агостино Пинна жаноблари билан хайрлашув учрашувини ўтказдик, – деб ёзди Ўзбекистон ТИВ раҳбари ўзининг telegram каналида. – Динамик иқтисодий ҳамкорлик, янги инвестициявий лойиҳалар, тадбиркорлар ўртасидаги яқин алоқалар ва мунтазам сиёсий учрашувлар Ўзбекистон-Италия стратегик шериклигини мустаҳкамлашга хизмат қилмоқда. Жаноб Элчига мамлакатимизда фидокорона хизматлари учун Ташқи ишлар вазирлиги номидан миннатдорлик билдириб, келгуси фаолиятига муваффақиятлар тилаймиз".
