Москва суди пойтахт шимолида Матч ТВ ходимини зўрлаган уч муҳожирга ҳукм чиқарди. Бу ҳақда Lenta.ru хабар берди.
Икки киши тўққиз йил, яна бири тўрт йил қамоқ жазосига ҳукм қилинган. Улар жазони умумий режимли колонияда ўтайди. Прокурор уларни 9,5 йилга озодликдан маҳрум қилишни сўраган.
Аниқланишича, 22 ёшдан 25 ёшгача бўлган уч нафар муҳожир 6 июлга ўтар кечаси маст ҳолда бўлган. Улар кўчада кетаётган журналист аёлни орқасидан туртиб, ерга қулаган.
Икки нафари жабрланувчига зўравонлик қилган, учинчиси эса вазиятни кузатиб турган. Аёл улардан қочиб қутулишга муваффақ бўлган.
