Европа Иттифоқи раҳбари Урсула фон дер Ляйен сешанба куни Европа AҚШ президенти Доналд Трамп билан музокаралар олиб боришга тайёрлигини, бироқ глобал рақобат кучайиб бораётган бир пайтда Евроблок Хитой ва бошқа давлатлар билан алоқаларни яхшилашга интилишини айтди.
Фон дер Ляйен Швейцариянинг Давос шаҳрида бўлиб ўтган глобал элиталарнинг йиллик йиғилишида сўзлаган нутқида Қўшма Штатлар муҳим ҳамкор бўлиб қолишини таъкидлади. Европа Иттифоқининг “биринчи устувор йўналиши Трамп билан ҳамкорлик қилиш, умумий манфаатларни муҳокама қилиш ва музокараларга тайёр бўлиш” бўлади, деди Фон дер Ляйен. "Биз прагматик бўламиз, лекин доимо ўз манфаатларимиз ва қадриятларимизни ҳимоя қилиш принципларимизда собит турамиз", - деган Европа Иттифоқи раҳбари. У, шунингдек, “Европа ўз йўлида қолади”, деди.
Дональд Трамп душанба куни Оқ уйга қайтди ва Хитой ҳамда AҚШ иттифоқчилари, жумладан Канада ва Европа Иттифоқига нисбатан оғир тарифлар жорий этиш ҳақидаги ваъдаларини бажаришини айтди. Инаугурациядан сўнг Трамп 1 февралдан бошлаб Канада ва Мексикага 25 фоизлик божлар жорий этиши мумкинлигини маълум қилди.
У, шунингдек, Қўшма Штатларнинг Европа Комиссияси президенти уни "бутун инсоният учун энг яхши умид" дея ҳимоя қилиб келадиган “Париж иқлим келишуви”дан чиқишини эълон қилди.
Абдуллоҳ Саййид
