Миллиардер Илон Маскнинг тўрт яшар ўғли сешанба куни Президент Дональд Трамп билан бўлиб ўтган матбуот анжуманида отаси гапираётганида турли қилиқлар қилиб, Овал кабинетда бурнини ковлаб, барчанинг эътиборини ўзига тортди.
Маск ўтган ҳафтада қаршиликка дуч келганидан сўнг, федерал идораларни харажатларни камайтиришга қаратилган Ҳукумат самарадорлиги департаменти ташаббусларига ҳамкорлик қилишни талаб қилувчи ижроий фармонни имзолашини кузатиш учун Оқ уйга келган эди.
Илон Маск журналистларнинг саволларига жавоб бераётганида унинг ўғли - X Æ A-Xii унга халал бериб, ҳар хил юз ифодаларини қилиб, отасининг елкаларига осилиб, унинг сўзларини бўлиб турди.
Ижтимоий тармоқларда тарқалган видеолардан бирида Маскнинг ўғли бурнини ковлаб, уни 1880 йилда Қиролича Виктория Президент Рутерфорд Ҳейесга совға қилган ва деярли ҳар бир президент томонидан ишлатилган Resolute столига артиб қўйганини кўрсатади.
Бошқа бир лаҳзада эса X отаси демократия ҳақида гапираётган пайтда уни юзини қийшайтириб масхара қила бошлади, бу Маскни бироз тўхташга мажбур қилди.
Маскнинг қўшиқчи Граймсдан туғилган ушбу ўғлини Овал кабинетда кўрган мухлислари ҳаяжонланиб кетишди.
"Илон Маск Президент Трампнинг ёнида туриб, бюджетни ярмига қисқартириш ҳақида гапирмоқда - ва унинг тўрт ёшли ўғли X эса шунчаки отасининг елкаларига осилиб, Трампнинг қулоғига нимадир пичирлаб, бурнини ковламоқда. Фақатгина Илон Маск Овал кабинетдаги матбуот анжуманини оилавий учрашувга айлантира олиши мумкин!" — деб ёзди Трампнинг бир тарафдори ижтимоий тармоқда.
"Илон Маскнинг боласи бугун Овал кабинетда барчанинг эътиборини ўзига тортди," — деди яна бир фойдаланувчи.
Консерватив шарҳловчи ва ёзувчи Брижит Габриэл эса Маскнинг ўғли "чексиз ширинлик олиб келди!" деб таъкидлади.
Бироқ ҳамма ҳам бу ҳолатдан хурсанд бўлмади. "Мен ҳозир Илон Маскнинг ўғли бурнини ковлаб, уни ейишини ва қолганини Resolute столига артиб қўйишини кўряпман," — деди бир киши. "Бу бола Трампни асабийлаштирмаяпти дейишга ишониш қийин."
"Илоннинг боласи бурнини ковлаб, уни Resolute столига артиб қўйиши — мен кўришни истамаган манзара эди," — деди яна бир фойдаланувчи.
Яна бири эса бола зерикканини таъкидлади: "Илоннинг чалкаш гапларидан зерикиб ўтирган Трамп ва Маскнинг ўғли ўртасида қайси бири кўпроқ зерикаётганини аниқлаш қийин."
Бу гал Трамп диққат марказида бўлмасликдан норози бўлмади ва X’ни "юқори IQ эгаси" деб таърифлади, чунки Маск матбуот саволларининг асосий қисмига жавоб берди.
SpaceX раҳбари ўғлини бир неча муҳим сиёсий воқеаларга олиб борган, жумладан, Трампнинг инаугурация маросимида саҳнада турган ва сайлов кечасида тўғридан-тўғри эфирга чиққан.
Маскдан ҳукуматга қарши ҳаракатларини "ижро ҳокимиятининг душманона эгаллаб олиниши" деб атаган танқидчиларга жавоб бериши сўралди.
"Халқ катта ҳукумат ислоҳотларини талаб қилди ва айнан шундай ўзгаришни олади."
У Трамп маъмуриятининг мақсади "демократияни тиклаш" эканлигини ва "конституцияга зид бўлган, сайланмаган тўртинчи ҳокимият тармоғи—бюрократия" мустақиллигини йўқ қилиш орқали бу амалга оширилишини таъкидлади.
Абдуллоҳ Саййид
