Ижтимоий тармоқларда Наманганда қора рангли Gentra ҳайдовчиси пиёдани уриб, воқеа жойидан қочгани акс этган видеолавҳа тарқалди.
Вилоят ИИБ Матбуот хизматига кўра, ҳолат жорий йилнинг 11 февраль куни соат 06:40 ларда содир бўлган. Номаълум шахс ўзининг бошқарувида бўлган Gentra русумли автомашинасида Наманган шаҳар А.Темур кўчасида ҳаракатланиб, йўлни кесиб ўтаётган пиёда Наманган шаҳрида яшовчи, 1958 йилда туғилган фуқарони уриб юбориб, ҳодиса жойидан яширинган.
Натижада, пиёда олган тан жароҳати сабабли воқеа жойида вафот этган.
Мазкур ҳолат юзасидан Наманган шаҳар ИИБ ҳузуридаги Тергов бўлими томонидан ЖКнинг 117-моддаси 2-қисми ва 266-моддаси 2-қисми билан жиноят иши қўзғатилган.
Номаълум ҳайдовчини топиш бўйича ўтказилаётган тезкор қидирув ишлари юзасидан қора рангли Gentra русумли автомашиналар мутахассислар томонидан текширилиб, текширув якунлангандан сўнг рухсат берилмоқда.
