Халқаро Олимпия қўмитаси россиялик ва беларуслик спортчиларни қабул қилишга чақирмоқда.
Бир қатор йирик қишки спорт турларида россиялик ва беларуслик спортчилар қатнашувига қарши қўйилган тақиқлар ҳамон сақланиқб қолмоқда. Россиянинг Украинага бостириб кириши ҳамда ва Беларусда инсон ҳуқуқлари билан боғлиқ муаммолар туфайли киритилган санкциялар доирасида шундай тақиқлар қўйилган эди.
Бироқ, Халқаро Олимпия қўмитаси (ХОҚ) қишки спорт федерацияларга мурожаат қилиб, уларни мусобақаларга қўйишга чақирмоқда, чунки бу спортчилар келаси йилги қишки Олимпиадага йўлланма олиши учун муҳим ҳисобланади.
“Улар бу масалада қаттиқ туришмоқда”, — дейди халқаро биатлон федерациясидаги манба.
Россия Украинага тўлиқ масштабдаги ҳужум бошлаганидан бери уч йилдан ошиқ вақт ўтди. Шундан бери, россиялик спортчилар биатлон, тоғ чанғиси, шиддатли чанғи пойгалари ҳамда халқаро хоккей федерацияси каби йирик спорт ташкилотлари мусобақаларидан четлатилган. Бу эса, агар вазият ўзгармаса, Россия ва Беларус спортчилари 2026 йилги қишки Олимпиадада иштирок этмаслигига олиб келиши мумкин.
2024 йил Парижда ўтган ёзги Олимпиадада 15 нафар россиялик спортчи нейтрал байроқ остида қатнашган эди. ХОҚ бу моделни 2026 йилги қишки Олимпиадада ҳам қўллашни режалаштирмоқда.
Бироқ бунинг учун россиялик ва беларуслик спортчилар ўз спорт федерациялари орқали саралаш мусобақаларида иштирок этиши шарт. Шу сабабли, ХОҚ халқаро биатлон федерацияси (IBU) ва халқаро чанғи спорти федерацияси (FIS) билан фаол музокаралар олиб бормоқда.
“Улар ҳеч кимни мажбурлаётгани йўқ, лекин жуда аниқ тарзда нейтрал спортчилар иштирок этиши шартлигини таъкидлашмоқда”, — дейди манба.
“ХОҚ бу масалани ҳал қилишни жуда истаяпти ва федерациялар яқин орада нейтрал спортчиларга Олимпиадага йўлланма олиш имконини беришларини умид қилмоқда”, — деб қўшимча қилди манба.
ХОҚ ўз музокараларида Париж-2024 ёзги Олимпиадасини муваффақиятли тажриба сифатида келтирган. Халқаро биатлон федерацияси президенти Олле Далин буни тасдиқлади:
“ХОҚ Милан-Кортина Олимпиадаси учун шундай ёндашув бўлиши мумкин, деб ҳисоблайди. Бироқ ҳозирча Россия ва Беларус ҳали ҳам аъзоликдан четлатилган, шунинг учун бу масала биз учун муҳокама мавзуси эмас”, — деган Милан-Кортина.
SVT Sport ХОҚ раҳбариятини интервью беришга чақирди, лекин улар вақт танқислигини сабаб қилиб, изоҳ беришдан бош тортди. Шу билан бирга, Қўмита ўз ёзма баёнотида Париж-2024 нейтрал спортчилар учун муваффақиятли бўлганини таъкидлаб, 2026 йилги Олимпиада учун ҳам шуга муқобил ва тегишли қарорлар қабул қилиниши ҳақида маълум қилди.
Абдуллоҳ Саййид
