Тошкент шаҳри Мирзо Улуғбек туманида 27 февраль куни автобус дарахтга бориб урилди. Пойтахт ҳокимлиги ахборот хизмати ҳолат юзасидан маълумот берди.
Қайд этилишича, ҳодисанинг келиб чиқишига автобуснинг юриш қисмидаги техник носозлик сабаб бўлган, натижада транспорт воситаси дарахтга урилиб кетган.
Воқеа жойига тезкор равишда қутқарув хизматлари ва тез тиббий ёрдам бригадалари етиб келган. Мавжуд маълумотларга кўра, бир киши жароҳат олган, унинг аҳволи аниқланмоқда.
Ҳозирги вақтда ваколатли органлар томонидан ҳодисанинг барча ҳолатларини ўрганиш бўйича текширув ўтказилмоқда. Ҳокимлик қўшимча маълумот берилишини билдирди.
