Хитойда жиноий шериклари билан 17 болани ўғирлаб, сотган аёл қатл этилди. Бу ҳақда ХХР Олий халқ прокуратураси хабар берди.
Октябрь ойида Гуйчжоу провинцияси суди 17 болани ўғирлаганликда айбланган 61 ёшли Юй Хуаинни ўлим жазосига ҳукм қилганди.
"Олий халқ суди томонидан тасдиқланганидан сўнг, Гуйчжоу провинцияси Гуйян шаҳрининг ўрта даражадаги халқ суди 28 февраль куни Юй Хуаинга нисбатан ўлим ҳукмини ижро этди," дейилади хабарда.
Суднинг аниқлашича, 1993 йилдан 2003 йилгача Юй Хуаин шериклари билан бирга Гуйчжоу ва Юньнань провинциялари ҳамда Чунцин шаҳридан 17 нафар болани ўғирлаб кетган. Уларнинг ҳаммасини Хэбай провинциясида сотган.
Судда аёл жабрланувчиларга бефарқ бўлган ва пушаймонлик билдирмаган, деб ёзади "Синьцзин бао" газетаси.
Нашр маълумотларига кўра, сотилганларнинг биринчиси ўз фарзанди Юй Хуаин бўлган. 2004 йилда у болаларни ўғирлаш ва сотиш учун ҳибсга олинган эди, аммо у ўзини бошқа одам сифатида кўрсатишга муваффақ бўлган, натижада у атиги саккиз йиллик қамоқ жазосини олганди.
