Лос-Анжелесда Оскар мукофоти ғолибларини тақдирлаш маросими ўтказилди. Унда "Анора" фильми 5 та ҳайкалчани қўлга киритди.
Фильм режиссёри Шон Бейкер “Энг яхши режиссёр” номинациясида ғолиб бўлди, бош рол ижрочиси Майки Медисон эса йилнинг энг яхши актрисаси деб топилди.
Бундан ташқари, “Анора” “Энг яхши монтаж” ва “Энг яхши оригинал ссенарий” номинацияларида ҳам ғолибликни қўлга киритди.
Мукофотнинг асосий ғолиблари:
“Энг яхши фильм”, “Энг яхши режиссёрлик иши” – "Анора";
“Энг яхши актёр” – Эдриан Броуди, "Бруталист";
“Энг яхши актриса” – Майки Медисон, "Анора";
“Энг яхши иккинчи даражали эркак роли” – Киран Калкин, “Ҳақиқий оғриқ”;
“Энг яхши иккинчи даражали аёл роли” – Зои Салдана, “Эмилия Перес”;
“Энг яхши сценарий” ва “Энг яхши монтаж” – Шон Бейкер, "Анора";
“Энг яхши тўлиқ метражли анимацион фильм” – "Оқим";
“Энг яхши грим ва соч турмаклари” – "Субстанция";
“Энг яхши ҳужжатли фильм” – “Бошқа ер йўқ”.
