Сал аввал АҚШ Хитой маҳсулотларига импорт божини кўтариб қўйди. Трампнинг қароридан сўнг Хитой ҳам дарҳол Қўшма Штатлар маҳсулотларига нисбатан импорт божларини ошириб, савдо уруши бошланаётгани хабар қилинган эди.
Шундан сўнг, Пекин Трамп томонидан жорий этилган янги божхона тарифларига жавоб қайтарган эди.
"Агар уруш – бу АҚШ хоҳлаётган нарса бўлса, тариф уруши, савдо уруши ёки бошқа ҳар қандай турдаги уруш бўлишидан қатъи назар, биз охиригача курашишга тайёрмиз," деган Хитой томон.
Ушбу баёнотдан сўнг, АҚШ Хитой билан уруш бошлашга тайёрлигини маълум қилди Пентагон раҳбари.
Пит Ҳегсет бу баёнотни Хитойнинг ҳар қандай турдаги урушга тайёрлиги ҳақидаги таҳдидларига жавоб сифатида берди.
"Тинчликка интилаётганлар урушга тайёр бўлиши керак. Биз хавфли дунёда яшаяпмиз, бу ерда кучайиб бораётган, бутунлай бошқа мафкурага эга давлатлар бор", дея таъкидлади Қўшма Штатлар Мудофаа вазири Fox News телеканали эфирида.
"Агар АҚШ Хитой ёки бошқа давлатлар билан урушнинг олдини олишни истаса, кучли бўлиши керак. Президент Трамп тинчлик фақат куч орқали таъминланиши мумкинлигини жуда яхши тушунади", дея қўшимча қилган Пентагон раҳбари.
