Кеча, 10 март куни АҚШнинг Миссисипи штатида тиббий транспорт вертолёти ҳалокатга учради, бортдаги учувчи ва икки нафар шифохона ходими ҳалок бўлди. Бу ҳақда “Associated Press” хабар берди.
Миссисипи университети тиббиёт марказининг соғлиқни сақлаш бўйича проректори доктор ЛоуАнн Вудворд матбуот анжуманида вертолёт соат 12:30 атрофида беморларни ташишдан Колумбусга қайтаётганида Медисон округида ҳалокатга учраганини айтди.
“Бутун Тиббиёт маркази оиласи бундан афсусда”, деди Вудворд.
Университет баёнотига кўра, бу AirCare фавқулодда хизматлари ишлаган 29 йил ичида биринчи ҳалокат бўлган. Ҳалокат сабабларини айтилмаган, аммо Федерал авиация маъмурияти ва бошқа идоралар тергов олиб бораётганини билдирган.
Уч қурбоннинг оилалари бу ҳақда хабардор қилинган, бироқ расмийлар махфийликни ҳимоя қилиш учун исмларни ошкор этмаган.
“Бу Миссисипи штатининг биринчи ходимлари бизни хавфсиз сақлаш учун ҳар куни олиб борадиган хавфларнинг фожиали эслатмаси. Давлатимиз бу қаҳрамонларнинг қурбонлигини ҳеч қачон унутмайди”, дейди Миссисипи губернатори Тейт Ривз Facebook'даги саҳифасида.
