Ўзбекистон Республикаси Ташқи ишлар вазирлиги (ТИВ) АҚШда яшаётган ёки вақтинча бўлиб турган фуқароларни қуйидагилардан огоҳлантиради:
Эски намунадаги паспортлар: Муддати ўтган ёки ўтмаган эски намунадаги паспорт эгалари Ўзбекистоннинг АҚШдаги элчихонаси ёки консулликлари орқали ватанга қайтиш учун "Ўзбекистонга қайтиш гувоҳномаси"ни расмийлаштиришлари лозим.
Янги намунадаги биометрик паспортлар: Муддати ўтган ёки ўтмаган янги намунадаги биометрик паспорт эгалари ушбу ҳужжат билан Ўзбекистонга қайтишлари мумкин.
Ўзбекистонга қайтиш гувоҳномаси: АҚШда бўлиб турган ва паспорти йўқолган ёки яроқсиз ҳолга келган фуқаролар "Ўзбекистонга қайтиш гувоҳномаси"ни Ўзбекистоннинг АҚШдаги дипломатик ваколатхоналари орқали расмийлаштиришлари зарур.
