Бугун, 24 март куни соат 18:26 да Тошкент вилояти, Қибрай тумани, “Дўрмон” МФЙ, Маърифат кўчасида жойлашган уйларда ёнғин содир бўлаётган. Бу ҳақида ФВВ хабар берди.
Ёнғин соат 19:33 да ўраб олиниб, соат 20:10 да тўлиқ бартараф этилган.
Ёнғин натижасида бир бирига туташ курилган 3 та хонадоннинг тахминан 415 кв.м. майдонда томи, шифти ва уй-жиҳозлари ёниб зарарланган.
Ёнғин оқибатида тан-жароҳати олган ва ҳалок бўлганлар тўғрисида хабар келиб тушмади.
Ҳозирда ёнғиннинг келиб чиқиш сабаби ва моддий зарар миқдори аниқланмоқда.
Ёнғинни бартараф этишга 9 та ёнғин-қутқарув экипажи ва 2 та ёрдамчи сув ташишга мўлжалланган техника жалб этилган.
