Ижтимоий тармоқларда Тошкент – Самарқанд йўналиши бўйича кетаётган "Шарқ" поездида сувараклар юргани ҳақида хабарлар тарқалмоқда. Ҳолат юзасидан "Ўзбекистон темир йўллари" АЖ муносабат билдирди.
Қайд этилишича, бу маълумот ёлғон ва ҳақиқатга тўғри келмайди.
"Тарқатилган фотосуратлар бошқа йўналиш — Тошкент – Волгоград поездига бағишланган эски нашрдан олинган. Ушбу суратлар "Шарқ" поезди билан ҳеч қандай алоқаси йўқ ва улардан ушбу контекстда фойдаланиш фактларни манипуляция қилишдир. Биз йўловчиларимизнинг қулайлиги ва хавфсизлиги ҳақида қайғурамиз ва мунтазам равишда барча поездлар, жумладан, "Шарқ" поездларида санитария меъёрларига риоя этилиши устидан назоратни кучайтирган ҳолда кўрикдан ўтказамиз.
Биз асосли фактларни тақдим этишга ва жамиятни мақсадли равишда чалғитмасликка чақирамиз", - дейилади хабарда.
