26 март куни Шаҳрисабз аэропорти икки ҳафталик танаффусдан сўнг мунтазам йўловчи қатновларини қабул қилишни бошлади.
Uzbekistan Airports ахборот хизматига кўра, ҳаво қатновини Silk Avia компаниясининг US721 рейси очиб берган. Самолёт маҳаллий вақт билан соат 11:17 да Шаҳрисабз аэропортига қўнган.
13 март куни Шаҳрисабз аэропорти учиш-қўниш йўлагида капитал таъмирлаш ишлари олиб борилаётгани муносабати билан фаолиятини вақтинча тўхтатганди.
Узоқ муддатли фойдаланишдан кейин учиш-қўниш йўлаги сирти мустаҳкамланиб, янги асфальт билан алмаштирилган. Юриш йўлагини таъмирлаш ҳам яқин вақт ичида якунланади.
