АсосийЖамият

Автобусда чиптасиз юрганларга рейд бошланди

Хабарингиз бор Тошкентда автобусларда нақд пулни қабул қилиш амалиётидан тўлиқ воз кечилди.

'Автобусда чиптасиз юрганларга рейд бошланди'ning rasmi

Хабарингиз бор Тошкент шаҳри жамоат транспорти автобусларда нақд пулни қабул қилиш амалиётидан тўлиқ воз кечилди. Эндиликда йўловчилар йўл ҳақини электрон шаклда ёки бир марталик QR-чипталар ёрдамида амалга оширишмоқда.

Қайд этилишича, аксарият йўловчилар тўловларни ўз вақтида амалга ошириб, тизим қулайлигини эътироф этаётган бир паллада, айримлар йўл ҳақини ҳеч қандай сабабсиз тўламасдан автобусдан тушиб кетаётгани тез-тез учраб турибди. 

Шу сабабли Транспорт назорати инспекцияси ҳамда Тошкент шаҳар жамоат транспортини мониторинг ва назорат қилиш давлат муассасаси ходимлари томонидан Тошкент шаҳрида автобусларида кучайтирилган рейд тадбирлари бошланди. 

Йўловчилар йўл ҳақини бир марталик QR-чипталар ёрдамида амалга оширишганда сафар давомида QR-чипталарни ўзларида сақлаб қолиши ҳамда назоратчи ва инспекторларининг сўровига асосан уларга кўрсатишлари лозим.   

Эслатиб ўтамиз, Маъмурий жавобгарлик тўғрисидаги кодекснинг 144-моддаси 5-бандига асосан йўловчининг шаҳар ичида ва шаҳар атрофига қатнайдиган автобусда чиптасиз юриши базавий ҳисоблаш миқдорининг ўндан бир қисми миқдорида жарима солишга сабаб бўлади.

    Бошқа янгиликлар