Россия президенти Владимир Путин фаолияти номақбул деб топилган ташкилотларга тегишли веб-сайтлар ва ахборот ресурсларида реклама жойлаштиришни тақиқловчи қонунни имзолади. Бу ҳақда zamon.uz маълум қилади.
Қонун айниқса Instagram ва Facebook ижтимоий тармоқларида реклама беришни тақиқлайди. Ушбу платформаларга эгалик қилувчи Мета компанияси Россияда “экстремистик ташкилот” деб эълон қилинган.
Юридик мутахассисларнинг фикрича, қонун бузилган тақдирда жарима нафақат реклама берувчиларга, балки уни жойлаштирганларга ҳам қўлланилади.
BBC билан суҳбатлашган экспертлар блогерларнинг йўқотишларини 2 миллиард рубль (23 миллион доллардан ортиқ) деб баҳоламоқда. Тақиқ йирик савдо тармоқлари ва маркетинг компанияларининг даромадларига ҳам салбий таъсир қилиши мумкинлиги айтилмоқда.
