Хабарларга кўра, АҚШ Мудофаа вазирлиги (Пентагон) 2022 йилда Украина билан чегарадош давлатларни мудофаа жиҳатдан қўллаб-қувватлаш мақсадида юборилган америкалик ҳарбийларнинг бир қисмини ортга чақириш имкониятини кўриб чиқмоқда. Бу ҳақда zamon uz хабар берди.
Маълумотларга кўра, ўша даврда Полша ва Руминияга 20 мингга яқин АҚШ ҳарбий хизматчилари жойлаштирилган эди. Ҳозирда бу кучларнинг тахминан ярми чақириб олиниши эҳтимоли муҳокамада.
Европалик айрим расмийлар эса бу эҳтимолий қарор бўйича хавотирланмоқда. Уларнинг фикрича, АҚШ кучларининг қисқариши Европадаги иттифоқчиларни Россиянинг тобора кучайиб бораётган ҳарбий босими қаршисида ёлғиз қолдириши мумкин.
Мазкур ҳолат юзасидан Пентагон НБС Невс журналистларининг изоҳ сўровига ҳозирча жавоб бермаган.
