Трамп Россиянинг Украинага қарши уруши учун жавобгарликни Путин, Байден ва Зеленский зиммасига юклади.
“Бу урушга йўл қўйиб бўлмасди. Байден уни тўхтата оларди, Зеленский ҳам тўхтата оларди, лекин Путин ҳеч қачон уни бошламаслиги керак эди”, — деди АҚШ президенти Трамп Оқ уйда Салвадор президенти Найиб Букеле билан учрашув чоғида ўтказилган матбуот анжуманида.
Шу билан бирга, Трамп Зеленскийни “ўзидан 20 баравар катта давлатга қарши уруш бошлаганликда” танқид қилди, аммо кейин яна Путинни Украинадаги тажовуз учун масъуллар сафига қўшди.
“Миллионлаб одамлар уч киши айби билан ҳалок бўлди. Айтайлик, Путин — биринчи, Байден — иккинчи (у нима бўлаётганини умуман тушунмаган), ва Зеленский”, — дейди Трамп.
Унинг сўзларига кўра, ўзи фақат мазкур урушни тўхтатишга ҳаракат қилмоқда.
