Наманган вилояти Учқўрғон туманидаги 23-сонли мактабнинг 10 синф ўқувчиси отасига тегишли бўлган Cobalt автомобилини бошқариб, ЙТҲ содир қилган.
Бу ҳақда хабар берган вилоят ЙҲХБга кўра, мазкур йўл-транспорт ҳодисаси оқибатида шу мактабнинг 4 синф ўқувчисини уриб юборган. Болакай шифохонада вафот этган.
Машина бошқарган йигитнинг отаси Россия Федерациясида бўлган. Ўша куни уйида онаси ҳам бўлмаган.
"Биз ўша боланинг ўлимига сабабчи бўлиб қолдик. Биринчи навбатда мени кечиришсин”, - дейди йигитнинг отаси.
Ҳолат юзасидан Учқўрғон тумани Тергов бўлинмаси томонидан вояга етмаган шахсга нисбатан ЖКнинг 266-моддаси 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.
