Жорий йилнинг 11-17-апрел кунлари Косова Республикасида Европа Қизлар Математика Олимпиадаси бўлиб ўтди.
Олимпиадада 55 та давлатдан 300 нафарга яқин ўқувчи қизлар иштирок этди.
Ўзбекистон терма жамоаси қизлари олимпиадада 3 та медални қўлга киритишди:
Дилдора Маҳкамова - Тошкент шаҳар, Олмазор туманидаги ихтисослаштирилган мактабнинг 8-синф ўқувчиси — кумуш медал,
Малика Хожамуратова - Нукус шаҳар 1-сонли ихтисослаштирилган мактабнинг 9-синф ўқувчиси — бронза медал,
Настарин Камолова - Бухоро вилояти, Қоракўл тумани ихтисослаштирилган мактаб интернатининг 9-синф ўқувчиси — бронза медал.
Эслатма: Ўзбекистон терма жамоаси ушбу олимпиадасида илк маротаба иштирок этди.
