Россиянинг Забайкал ўлкасидан сайланган депутат 4 йил давомида Украинада туриб масофадан ишлаган — у фуқароларни VPN орқали видеоалоқа орқали қабул қилиб, "муаммоларни ҳал қилган".
Забайкал ўлкасидан сайланган маҳаллий депутат тўрт йил мобайнида Украина ҳудудида яшаган ҳолда ўз ишини масофадан туриб бажарганини маълум қилди. Унинг айтишича, у фуқароларни видеобоғланиш орқали, VPN хизмати ёрдамида қабул қилган ва бошқа депутатлардан ёмон ишламаган.
Депутат ўз чиқишида шундай деган: “Мен ишимни виждонан бажарганман. VPN орқали видеомулоқот ўтказиб, фуқароларнинг муаммоларини эшитганман, уларга ёрдам берганман. Менимча, кўпгина бошқа депутатларга қараганда самаралироқ фаолият юритганман”.
Аввалроқ ушбу депутатни ваколатларидан маҳрум этиш масалалари кўтарилган. Бироқ кенгаш бунга қарши чиққан
Мазкур ҳолат жамоатчилик орасида қизғин муҳокамаларга сабаб бўлди. Қонунчилик нуқтаи назаридан эса, депутатнинг фаолияти ва унинг иш жойида доимий равишда бўлиш мажбурияти масаласи яна бир бор кун тартибига чиқди.
Депутат кейинчалик Украина ва Россия ўртасида ўзаро асирлар ва фуқароларни алмашиш чоғида ўз ватанига қайтишни режалаштирмоқда.
Абдуллоҳ Саййид
