Ижтимоий тармоқларда ўсмир болани дўконда калтакланганлиги акс этган видео тарқалди.
Болалар омбудсманнинг аниқланишича, ҳолат жорий йилнинг 16 апрель куни Самарқанд вилояти Ургут туманида жойлашган озиқ-овқат дўконида содир бўлган.
Фуқаро Қ.Ф. оилавий масала туфайли турмуш ўртоғининг вояга етмаган укаси Н.С (2008 йилда туғилган ўғил бола)ни калтаклаб, унга тан жароҳати етказган.
Ҳозирда ҳолат бўйича туман ИИБ томонидан терговга қадар текширув ҳаракатлари олиб борилмоқда. Етказилган тан жароҳати даражасини аниқлаш юзасидан судга оид тиббий экспертиза тайинланган.
Ўрганиш натижасига кўра қўлланилган ҳуқуқий чоралар юзасидан қўшимча равишда маълумот берилади.
