Англиянинг Saffolk округидаги Beri-Sent-Edmunds шаҳрида жойлашган Moyse Hall музейида одам териси билан қопланган китоб топилди, дея хабар бермоқда zamon.uz.
Мазкур китоб Буюк Британия тарихидаги энг машҳур қотиллардан бири Уилям Кордерга тегишли бўлиши мумкинлиги тахмин қилинмоқда.
Уилям Кордер 1828 йилда содир этилган "Қизил омбор" қотиллиги билан танилган ва ўша даврда кенг жамоатчилик эътиборини тортган эди. Унинг устидан суд иши ва жазоси Британия тарихида катта акс-садо берган воқеалардан бири ҳисобланади.
Мутахассислар ушбу китобни антроподермик библиополия, яъни инсон терисидан тайёрланган китоблар тоифасига киритмоқда. Бу каби китоблар одатда ХИХ асрда суд-тиббий амалиёт ёки жиноят тарихининг ёдгорлиги сифатида сақланиб қолган. Музей топилма юзасидан қўшимча таҳлилларни давом эттирмоқда.
