Бугун, 6 май куни Навоий вилояти Кармана туманида жойлашган савдо мажмуаларининг бирида ёнғин содир бўлди. Бу ҳақда ФВВ матбуот хизмати маълум қилди.
Қайд этилишича, ҳолат туманнинг “Арғун” МФЙ, "Арғун шоҳ" кўчасида жойлашган савдо мажмуаларининг бирида юз берган.
Шунга кўра, ёнғин-қутқарув экипажлари соат 05:18 да ҳодиса жойига етиб бориб, ёнғин соат 05:50 да қуршаб олинган ва 06:24 да бартараф этилган.
Ёнғинда савдо мажмуасининг 200 кв.м майдони ички қисми ҳамда маҳсулотлари ёнган.
Ёнғинни бартараф этишга 6 та асосий турдаги ҳамда 1 та махсус турдаги техника жалб этилган.
Ҳодиса оқибатида тан жароҳати олганлар тўғрисида маълумот келиб тушмаган.
