АсосийЖамият

5 йиллик танаффусдан сўнг: Қозоғистонда Ғалабанинг 80 йиллигига бағишланган ҳарбий парад бўлиб ўтди

Парадда Қозоғистон Қуролли Кучларининг барча турларидан 4000 дан ортиқ ҳарбий хизматчи иштирок этди.

'5 йиллик танаффусдан сўнг: Қозоғистонда Ғалабанинг 80 йиллигига бағишланган ҳарбий парад бўлиб ўтди'ning rasmi

5 йиллик танаффусдан сўнг: Қозоғистонда Ғалабанинг 80 йиллигига бағишланган ҳарбий парад бўлиб ўтди. 

2025 йил 7 май куни Қозоғистон пойтахти Астанада Буюк Ватан урушида қозонилган Ғалабанинг 80 йиллиги ва Ватан ҳимоячилари кунига бағишланган тантанали ҳарбий парад бўлиб ўтди. Бу сўнгги беш йил ичида мамлакатда ўтказилган биринчи ҳарбий парад ҳисобланади.

Парадда Қозоғистон Қуролли Кучларининг барча турларидан 4000 дан ортиқ ҳарбий хизматчи иштирок этди. Шунингдек, 200 дан зиёд ҳарбий техника воситалари, жумладан 66 та ҳарбий самолёт ва вертолётлар намойиш этилди.

Тадбир чоғида Қозоғистон мудофаа-саноат мажмуаси корхоналари томонидан яқин келажакда ишлаб чиқарилиши режалаштирилган замонавий роботлаштирилган қайиқлар, дронлар ва жанговар машиналар ҳам тақдим этилди.

Қозоғистон Президенти Қасим-Жомарт Тўқаев парадда чиқиш қилиб, бутун мамлакат фуқароларини ушбу тарихий сана билан табриклади. У ўз нутқида миллий бирлик ва мустаҳкам армия Қозоғистон мустақиллигининг асосий кафолатларидан бири эканини таъкидлади.

Аввалроқ эса Қозоғистон Мудофаа вазирлиги 7 май (Ватан ҳимоячилари куни) ва 9 май (Ғалаб куни) муносабати билан ҳарбий парад ўтказилмасдигини хабар қилган эди. 

Бу қарор иқтисодий тежамкорлик ва “бошқа муҳимроқ вазифалар мавжудлиги” билан изоҳланган. Бироқ охирги соатларда парад ўтказилишига рухсат берилган кўринади. 

Маълумот учун: Қозоғистонда 2020 ва 2021 йилларда коронавирус пандемияси сабабли ҳарбий парадлар бекор қилинган эди. Кейинги 2022 ва 2023 йилларда эса бюджет маблағларини тежаш мақсадида парадлар ўтказилмади. 2024 йилда ҳам расман парад ўтказилиши режалаштирилмагани ҳақида Қозоғистон Мудофаа вазирлиги маълум қилган эди. Аммо 2025 йилда – Ғалабанинг 80 йиллиги муносабати билан бу қарор қайта кўриб чиқилди.

Қайта тикланган ҳарбий парад нафақат тарихий хотира, балки Қозоғистоннинг мудофаа салоҳияти ва техник имкониятларини намоён этишга қаратилган муҳим сиёсий ва маънавий тадбир сифатида қайд этилди.

                                              Абдуллоҳ Саййид

    Бизни ижтимоий тармоқларда кузатиб боринг

    Бошқа янгиликлар

    'Wizz Air лоукостери Ўзбекистондан Абу-Дабига парвозларни тўхтатади'ning rasmi

    Жамият 14.07.2025 20:45

    Wizz Air лоукостери Ўзбекистондан Абу-Дабига парвозларни тўхтатади

    Компаниянинг ушбу қарори Ўзбекистон ва БАА ўртасидаги парвозларига ҳам таъсир қилади.

    'Халқаро қидирувда бўлган шахс АҚШдан Ўзбекистонга депортация қилинди'ning rasmi

    Жамият 14.07.2025 20:01

    Халқаро қидирувда бўлган шахс АҚШдан Ўзбекистонга депортация қилинди

    Фуқаро кўп миқдорда ўзлаштириш ва талон-торож қилиш жиноятини содир этганликда айбланмоқда.

    'Фарғонада 55 ёшли ҳайдовчи 3 ёшли болани босиб кетди'ning rasmi

    Жамият 14.07.2025 18:14

    Фарғонада 55 ёшли ҳайдовчи 3 ёшли болани босиб кетди

    Оқибатда болакай тан жароҳати олиб, шифохонага ётқизилган.

    'Абитуриентлар учун кириш имтиҳонлари бошланди'ning rasmi

    Жамият 14.07.2025 09:30

    Абитуриентлар учун кириш имтиҳонлари бошланди

    Тест синовлари тўлиқ видеокузатув остида онлайн трансляция қилинган ҳолда ўтказилади.

    'Тошкентда ишлаб чиқариш цехи ёниб кетди'ning rasmi

    Жамият 14.07.2025 09:11

    Тошкентда ишлаб чиқариш цехи ёниб кетди

    Ёнғинни бартараф этиш учун 6 та ёнғин-қутқарув экипажи воқеа жойига етиб борган.