Европа Иттифоқи Украина учун молиявий ёрдам доирасида Россия Федерациясининг музлатилган активларидан тушган даромад ҳисобидан 1 миллиард евро маблағни Киевга ўтказди. Бу ҳақда Европа комиссиясининг иқтисодиёт бўйича вице-президенти Валдис Домбровскис ўзининг ижтимоий тармоқдаги саҳифасида хабар берди, дея маълумот тарқатмоқда zamon.uz.
“Бугун биз етти дастур доирасида Россиянинг музлатилган активларидан келган 45 миллиард евролик даромаддан яна 1 миллиард еврони Украинага ўтказдик,” — деб ёзди у.
Бу ёрдам пакети Евроиттифоқ томонидан Россияга қарши санкциялар доирасида қўлланилаётган молиявий механизмларнинг бир қисмидир. Музлатилган активлар бўйича даромадларни Украина манфаатларига йўналтириш Ғарб давлатлари орасида тобора кенгайиб бораётган амалиётга айланмоқда.
Ажратилган маблағлар Украинага энергетика инфратузилмасини тиклаш, ҳарбий ва гуманитар эҳтиёжларни қоплаш, шунингдек, иқтисодий барқарорликни таъминлаш учун сарфланиши режалаштирилган.
