Германия мудофаа вазири Борис Писториус мамлакатда ҳарбий хизматга мажбурий чақирув қайтиши мумкинлигини маълум қилди. Бу ҳақда “ДW” хабар бермоқда.
Унинг айтишича, агар Бундесверга (Германия қуролли кучлари) етарли кўнгиллилар келмаса, 2011-йилда бекор қилинган мажбурий хизмат тикланиши эҳтимолдан ҳоли эмас.
“2025-йилдан янги кўнгиллилар дастури бошланади. Бу орқали ёшларда ватанига хизмат қилиш истагини уйғотмоқчимиз. Аммо бу ҳали бошланғич қадам, холос,” — дейди Писториус.
Ҳозирда Бундесверда тахминан 181 500 ҳарбий хизматчи бор. 2031-йилгача бу рақамни 203 000 кишига етказиш режалаштирилган.
2025-йил бошида ҳарбий хизматга қизиқиш 20 фоизга ошгани айтилган. Шунга қарамай, вазир бунга етарли эмаслигини таъкидлади:
“Қуролли кучларимиз кутган натижага эришиш учун одамлар ҳануз кам.”
