Қобул Афғонистоннинг Россия Федерациясидаги элчиси лавозимига номзодни Москвага тақдим этди, Россия давлат оммавий ахборот воситаларининг хабар беришича, бу ҳақда Россия президентининг Афғонистон бўйича махсус вакили Замир Кабулов маълум қилди.
"Номзод маълум, у ҳозирда Ташқи ишлар вазирлиги томонидан кўриб чиқилмоқда. Улар бизга номзодни одатдагидек юборишди, энди бу номзод Россия идораларида идоралараро келишувдан ўтмоқда," - деди у "Россия - Ислом дунёси. КазанФорум2.
Аввалроқ Россия Олий суди террорчилик ташкилотлари рўйхатига киритилган "Толибон" ҳаракати фаолиятига қўйилган тақиқни тўхтатган эди. Шундан сўнг, Россия ТИВ Афғонистон вакиллигини элчи даражасига кўтариш тўғрисида қарор қабул қилинганини маълум қилди.
Россия президентининг Афғонистон бўйича махсус вакили Замир Кабуловнинг РИА Новостига берган интервюсида айтишича, толиблар ҳукумати томонидан тайинланадиган афғон элчиси Москвага келиши афғон ҳукуматини тан олиш масаласига нуқта қўяди.
