“Bloomberg” хабар беришича, Россия президенти Владимир Путин АҚШ Президенти Дональд Трамп билан мулоқотдан олдин, фронт чизиғида устунликка эга эканлиги ва 2025 йил охиригача Украинанинг тўртта вилоятини тўлиқ эгаллаб олишга уринаётгани – тинчлик бўйича музокараларни самарасиз қилиб қўяди.
“Путин ўз армияси йил охиригача Украина ҳимоя чизиғини бузиб ўтиб, Россия босиб олишга уринаётган вилоятларни тўлиқ назоратга олишга ишонади… Бу шунчаки иккала раҳбар гаплашганда Путин Трампга ҳеч қандай муҳим имтиёз бермайди дегани,”—деб келтирилган “Bloomberg” нашрида.
Нашрнинг ёзишича, Трамп тўлиқ миқёсдаги урушни тезда тугатишга интилмоқда ва сулҳ битими тузишга ошиқмоқда. Путин эса ўт очишни тўхтатиш нияти борлигига шиора қиладиган аломатлар намойиш этмаяпти – рус армияси ҳеч бир тўхтовларсиз илгарилашда давом этяпти.
Кремлга яқин манбалар “Bloomberg”га Путин ўз мақсадларига эришиш учун зарур бўлса, давомли урушга тайёр эканини, тинчлик ўрнатиш ҳақидаги гаплар унга таъсир қилмаслигини маълум қилишган. У шунингдек, агар Трамп ишга солиш билан қўрқитаётган янги АҚШ санкциялари жорий этилишидан ҳам хавотир олаётгани йўқ. Путин фақат зўравонлик ва кучни тушунади, бироқ ҳозирча ҳеч ким куч кўрсатиш имкониятига ёки истагига эга эмас.
Шу билан бирга, Путиннинг жанг майдонидаги натижаларга ишончи Ғарб баҳоларига зид. Европа расмийларига кўра, тўрт йилдан ортиқ давом этган урушда катта йўқотишларга учраган Россияда Путиннинг мақсадларига етишиш учун етарли имконият йўқ.
“Бу шубҳа Россия Қуролли Кучларида ҳам кенг тарқалган, Владимир шаҳридаги Мудофаа вазирлигига яқин бир кишига кўра, Украина дрон кучлари Россияга катта миқёсдаги ҳужумларни ташкил этишни қиммат ва самарасиз қилмоқда,”— деб ёзган “Bloomberg”.
Абдуллоҳ Саййид
