Ижтимоий тармоқларда Самарқандда фуқаро ўз машинасида шер боласини олиб юргани ҳақида хабарлар тарқалди. Ҳолат бўйича вилоят Экология бошқармаси, вилоят прокуратураси ва ИИБ ходимлари ўрганиш олиб борди.
Қайд этилишича, ўтказилган ўрганишларда Самарқанд туманида яшовчи фуқаро Африка шери боласини туманнинг “Оқбўйро“ маҳалласи ҳудудидаги дала ҳовлининг сим тўсиғига боғлаб кетилгани аниқланди.
Маълумотларга кўра, шер боласига биринчи ёрдам кўрсатилиб, вақтинча сақлаш учун вилоят кинология марказига олиб келинди ҳамда алоҳида парваришга олиниб, тиббий кўрикдан ўтказилди.
Айни пайтда ушбу қонунбузарлик юзасидан тегишли ҳужжатлар расмийлаштирилиб, вилоят прокуратураси томонидан ҳолатга ҳуқуқий баҳо берилмоқда.
