"Идеал уйқу вақти" деган умумий қоида мавжуд эмас, чунки ҳар бир инсоннинг ўз ҳаёт ритми бор. Бу ҳақда шифокор Владимир Ковальзон маълум қилди.
Мавзуга немиснинг Гронинген тиббиёт институти олимлари хулосалари сабаб бўлди. Уларга кўра, кеч ухлаш, айниқса олий маълумотли инсонларда, мия қаришини тезлаштириши мумкин.
Муаллифлар бундай инсонлар уйқудан олдин ортиқча фикрлашга мойил бўлишини, бу эса салбий таъсирни кучайтиришини тахмин қилган. Аммо Ковальзон бу фикрларни асоссиз деб атаб, танқид қилган.
«Бу ахмоқлик ва беманилик! Эрта ёки кеч ухлаш инсон ҳаётига ҳеч қандай таъсир қилмайди — ҳаммаси унинг иш ритмига боғлиқ. Агар сиз маълум вақтда ухлашга ўрганган бўлсангиз, барчаси яхши бўлади», — деди у.
Мутахассис фикрига кўра, инсонга зарар қиладиган нарса — бу уйқу режимидаги кескин ўзгаришлардир, айниқса кексалар ва касаллар учун. Ёшлар эса бундай ўзгаришларга енгилроқ мослашади. Ковальзон таъкидлашича, уйқунинг йўқлиги рак, инсульт ёки инфаркт каби жиддий касалликларга дарров олиб келмайди.
Шифокорнинг таъкидлашича, ҳар бир инсоннинг ухлаш одати ҳар хил. Кимгадир ухлашдан олдин гаджетлар зарар қилса, бошқаларни телевизор овози уйқуга кетказиши мумкин. Энг муҳими — ўз режимига риоя қилишдир.
Масалан, тиббиёт ходимлари ва ҳарбийлар кўпинча "эрта тургучилар" бўлади, ижодкорлар эса одатда кеч фаол бўлишади. Унинг сўзларига кўра, фаол кечки тўйлар ва кўп овқат ейиш соғлом уйқуга тўғри келмайди, ҳар қандай кескин одат ўзгаришлари организмга зарар етказиши мумкин.
