Америкалик актёр Том Круз "Уддалаб бўлмас топшириқ" франшизасининг сўнгги фильмида бажарган трюки орқали Гиннесс рекордлар китобига кирди. Бу ҳақда ТАСС хабар берди.
"‘Уддалаб бўлмас топшириқ – Финал ҳисоб-китоби’ номли франшизанинг саккизинчи, яъни ҳозирча сўнгги қисми ҳақиқий меъёрларни оширди – Томнинг фильмдаги таассуротли трюклари унга бир инсон томонидан амалга оширилган энг кўп ёнувчи парашют билан сакрашлар бўйича Гиннесс рекордини таъминлади", — дейилади хабарда.
Актёр сакраш саҳнаси учун 16 марта дубль қилган. У вертолётдан ёнувчи аралашмага ботирилган парашют билан сакраган, парашют ҳавода ёна бошлаган, шундан сўнг актёр уни ташлаб юбориб, захира парашютни очган ва омон-эсон қўнган.
"Ҳеч бир бошқа актёр ёки каскадёр бундай кўп миқдорда хавфли сакрашлар қилмаган", — дейилади рекордлар китобида.
62 ёшли Том Круз ўз фильмларини ҳақиқийроқ қилиш учун трюкларни шахсан ўзи бажаришга интилувчи актёр сифатида машҳур. У буни асосан "Уддалаб бўлмас топшириқ" фильмида амалга оширади. Франшизанинг энг сўнгги қисми АҚШда май ойи охирида прокатга чиқди.
Круз шунингдек Гиннесс рекордлар китобида яна бир номга эга — $100 миллиондан ортиқ даромад келтирган энг узоқ давом этган фильмлар сериясида иштирок этган актёр сифатида.
