Украина президенти Владимир Зеленский “АБC News” телеканалига берган интервьюсида АҚШ 20 мингга яқин ҳаво ҳужумига қарши ракеталарни Украинага эмас, Яқин Шарққа жўнатганини маълум қилди.
“Биз ъШаҳедъ дронларига қарши кураш олиб боряпмиз. Ракеталарга эҳтиёжимиз жуда катта. Бу ракеталарни кутган эдик. Аммо бугун эрталаб Мудофаа вазирим менга айтди: АҚШ уларни Яқин Шарққа юборишга қарор қилган”, — дейди Зеленский.
Унга кўра, бу ракеталар аслида Россиянинг ҳужумларидан мудофаа қилиш учун мўлжалланган эди. Бироқ уларнинг жўнатилиши бошқа минтақага йўналтирилган.
“Тҳе Wall Street Journal” ёзишича, бу қарор АҚШнинг собиқ мудофаа вазири Ллойд Аустин даврида қабул қилинган. Ракеталарнинг детонатор қисмлари Яқин Шарқдаги америкалик ҳарбийлар эҳтиёжини қоплаш учун ажратилган.
Украина раҳбари бу ҳолатни танқид қилар экан, Ғарб давлатлари томонидан берилган ёрдамлар ва уларнинг устувор йўналишлари қайта кўриб чиқилаётганига ишора қилган.
